Japoniara Realak Japoniara bisita instituzionala egingo du aste honetan Realaren eta Yasuda Groupen arteko akordioa aurkezteko. Bidaia hau Realak Asiako herrialdean epe ertainera eta luzera hedatzeko duen planaren barruan kokatzen da, eta Japonian Yasuda Groupekin egindako akordio estrategikoa ofizialki aurkezteko balioko du, urrian Donostian egin zen bezala. Akordio horren baitan, Jokin Aperribay presidentea eta Roberto Olabe futbol zuzendaria buru dituen espedizio batek lau eguneko bisita instituzionala egingo du Japonian, aliantza aurkezteko eta hainbat bilera instituzionaletan parte hartzeko. Aurreikuspenen arabera, ostegunean, 13:00etan (bertako ordua), prentsaurreko batean parte hartuko dute komunikabideekin Tokyon.
