Hurrengo denboraldiko egutegia ezagutzen da dagoeneko. Lehiaketa hasiko dugu Celtaren aurka Balaidos estadioan. Abuztuaren 19-20eko asteburuan izango da. Realak txapelketa hasiko du aurreko denboraldian Europa Ligako txartela lortu zuen tokian. Gainera, ligako partida guztiak jada ezagutzen dira.
Etxean jokatuko den lehen partida Villarrealen aurka izango da abuztuaren 26-27ko asteburuan. Azkenik, Realak LaLiga Santander bukatuko du maiatzaren 19-20eko asteburuan eta FC Barcelona izango du aurkari Camp Nou estadioan.