Gure erakundeetako arduradunak Zubietan izan dira gaur arratsaldean, taldea zoriontzeko. Lehen entrenamenduan Kopa irabazi ostean, Eneko Goya Donostiako alkateak, Martin Ibabe kirol zinegotziak, Markel Olano Ahaldun Nagusiak eta Harkaitz Millan Kirol diputatuak taldearen lana zoriondu dute, Donostiako eta Gipuzkoako herritar guztien izenean. Jokin Aperribay presidente txuri-urdinarekin eta administrazio kontseiluarekin batera argazkia atera dute.