Erreakzionatzeko unea

Sansek sentsazio onenekin amaitu nahi du denboraldia azken txanpa honetan. Txuri-urdinek ez dute garaipenik lortu azkeneko jardunaldietan, nahiz eta aurpegia eman goialdeko postuetan dauden taldeen aurka. Emaitzak ez datoz bat zelaian ikusten ari denarekin. CD Vitoria izango da aurkaria, azken sailkatua dena, eta jaitsiera postuetatik ateratzeko hamar puntutara dagoena. Neurketa ETB1-n bitartez jarraitu ahal izango da.

Gure hirugarren taldeak Zubietan jokatuko du asteburu honetan. Azkeneko neurketetan garaipenak lortu dituzte etxean eta helburua ildo horretatik jarraitzea da. Txuri-urdinak zazpigarren postuan daude eta Basconia jasoko dute, lau puntutara dagoen taldea. Norgehiagoka interesgarria azken txanpa honi aurre egiteko.