Eskatu zure sarrera: FC Midtjylland-Reala

Real Sociedadek Europa Leagueko kanporaketa faseari ekingo dio otsailaren 13an. FC Midtjyllanden aurka jokatuko du MCH Arenan (18:45), lehiaketako final-hamaseirenetako joaneko partida izango den horretan.

Danimarkako klubak 525 sarrera bidaliko ditu, eta honela banatuko dira:

- 465 gure bazkide eta RS Fan-entzat.

- 30 Halcón Viajes babeslearentzat.

- 30 gure peñentzat.

Sarrerek 18 euro balioko dute. Bazkideek eta RS Fans-ek sarrera eskatu ahal izango dute, baita bazkide edo RS Fan ez den lagun batentzat ere.

- Sarrera-eskaera formularioa gure webgune ofizialean egongo da erabilgarri hilaren 5eko 12:00ak arte.

- Eskaintzen diren sarrerak baino eskaera gehiago egonez gero, hilaren 5ean bertan zozketa egingo da bazkide eta RS Fans guztien artean. Egun berean jakinaraziko dira emaitzak.

- Gehienez 2 sarrera eska daitezke formulario bakoitzeko. Eskaera egiten duenak bazkide edo RS Fan izan behar du, eta bere bazkide edo RS Fan IDa, izen-abizenak, NANa eta telefono zenbakia sartu beharko ditu.

- Bazkide edo RS Fan batek lagun batekin joan nahi badu (eta lagunak ez du zertan bazkide edo RS Fan izan), haren izen-abizenak eta NANa ere sartu beharko ditu.

- Zozketan irabazle izanez gero, sarrerak Reale Arenako txarteldegian jaso beharko dira ostiralean, hilaren 7an, 10:00etatik 20:00etara. Jaso ahal izateko, eskaera berresteko emaila eta jasotzen duen pertsonaren bazkide txartela edo NANa aurkeztu beharko dira.

Garrantzitsua:

- Sarrerak izendunak izango dira. Datu pertsonalak (izen-abizenak, jaioteguna eta NAN edo pasaporte zenbakia) eskatuko dira.

- Sarreran NANa eskatuko da, eta ezin izango du erabili bertan agertzen ez den beste inork.

- NANik gabeko adingabeko bat heldu batekin badoa, familia-liburua aurkeztu beharko da sarreran.