Aurredenboraldiko aste gogorren ostean, benetako unea iritsi da. Bai Sanse, bai Real C-k bere ligak estreinatuko dituzte asteburu honetan. Gure bi filialek azken urtetan erakutsitako hazkundearekin jarraitzen ahaleginduko dira eta, gure jokalari gazteen formakuntzarekin batera, emaitza onenak lortzen saiatuko dira.
Imanol Alguacilek zuzenduko duen Sansek partida handia du hasteko. Liga hasteko Santandergo Racing-en etxean jokatuko dute. Partida, igandeko 19:00etan. Real C, bestalde, San Pedroren etxean jokatuko du. Sergio Franciscoren taldeak, gaztea eta hazteko gosez, Hirugarren Maila zailean egingo du lan aurten ere. Estreinaldia Las Llanasen izango da, larunbateko 17:30ean.