Roberto Olabek komunikabideekin bilera bat partekatu du gaur goizean Reale Arenan. Realeko futbol zuzendariak Mitxel Badiola gogoratu nahi izan du bere hitzaldian eta piramidearen gailurrak arrakasta izan dezan Zubietan egunero egiten den lana eskertu du.
Kirol arduradun nagusiak "proiektua indartzen eta balioa eraikitzen jarraitzeko" nahia berretsi du. "Real onena izan nahi dugu, gure bidean jarraitu, belaunaldi gazteengan konfiantza izaten jarraituz. Hor dago klub gisa dugun erronka, hazten jarraitu nahi dugun bidea aukeratzea".