Historiak etxean jarraituko du

Realak Ainhoa Morazaren fitxaketa itxi du. Jokalari donostiarra etxera itzuli da berriro eta etapa berri bati ekingo dio bere jatorrizko taldean. Morazak Realean hasi zuen bere ibilbide profesionala 2012an eta orain, 2029ra arte Realarekin lotzen duen kontratua sinatu du, ibilbide luzeko proiektu baten aldeko konpromisoa islatuz.

Sinadura ekitaldia estadioan egin zen, Joseba Ibarburu lehendakariordearekin, Alex Uranga kontseilariarekin eta Garbiñe Etxeberria emakumezkoen futbol arduradunarekin batera. Sentimendu handiko ingurune batean sinatu zuen Morazak bere kontratua, bere jatorrizko kluberako itzulera itxiz.

Realean egon ostean, Ainhoak ibilbide sendoa egin du elitean. Zazpi denboraldi egin zituen Athletic Cluben, non liga bat irabazi zuen (2015-2016), eta beste bi Atletico Madrilen, bertan Erreginaren Kopa irabaziz 2023an. Bi hegaletan moldatzeko duen esperientzia, lidergo eta gaitasunarengatik balio handiko fitxaketa gisa irudikatzen da datorren denboraldietarako.

Morazak behin baino gehiagotan errepikatu du etxera itzultzea ilusio handia izango zela. Gaur, desio hori errealitate bihurtu da. Realak tokiko talentuaren itzuleraren aldeko apustu sendoa egin du jokalari ezagun eta konprometitu bati ongietorria emanez.

Ongi etorri berriz etxera, Ainhoa!