Jokin Aperribay Realeko presidentea, Nerea Aramburu kontseilaria eta Jose Luis Martinez abokatua Reale Arenako prentsa aretoan izan dira gaur goizean, datorren abenduaren 14ko Akziodunen Batzarrari buruzko datu garrantzitsuak azaltzeko.
20-21 ekitaldiko kontuak 4,5 milioi euroko balantze negatiboa utzi dute, pandemiarik ezean 8,2 milioi euroko balantze positiboa utziko lukeena, minimoen kalkulu baten arabera. 21-22ko aurrekontuari begira, administrazio-kontseiluak 133 milioi euroko gastuak eta 136 milioi euroko diru-sarrerak aurkeztuko ditu.
Presidenteak adierazi du pozik dagoela aurkeztuko ditugun kontuekin. Ondare garbiak 77 milioi eurokoa izaten jarraitzen du. Reala indartsu dago eta iraunkortasuna eta kaudimen ekonomikoa ditu, are gehiago pandemia eta beste klub batzuekiko konparazioa kontuan hartuta. Eta, gainera, ilusioa pizten duen eta oraindik bere mugak ezagutzen ez dituen talde bat edukita.
Amaitzeko, Aperribayk honako hau adierazi du: "Gure ustez, urtean zehar izan ditzakezun emaitzak ezagutzearen zuhurtasuna eta kudeaketaren eraginkortasuna uztartzeak lagunduko dio Realari guztiok nahi ditugun kirol-emaitzak lortzen".