Gaur Javier Tebas LaLigako presidenteak Reale Arenako instalazio berriak bisitatu ditu Jokin Aperribayrekin batera. LaLigako presidenteak gure estadioa bisitatzen duen hirugarren aldia da. Oraingo honetan Tebasek, Realeko presidentearen eskutik, aldagela berriak, prentsa-aretoa eta aldageletako tunela ezagutzeko aukera izan du.
Javier Tebasek, LaLigako ordezkaritza batek eta Realeko ordezkaritza zabal batek lagunduta, estadioak berrikuntzaren eta digitalizazioaren arloan egindako azken aurrerapenak egiaztatu ahal izan ditu. Ondoren, bertaratutako guztiek lan-bilera egin dute, eta arratsalde erdira arte luzatu da.
