Emakumezkoen taldeko gorputz teknikoa ondorengoa izango da. Gorka Alvarez bigarren entrenatzailea izango da. Ekaitz Etxebeste eta Ander Ruiz prestatzaile fisiko eta atezainen entrenatzaile bezala jarraituko dute. Bestalde, Xabier Illarreta, azken zazpi denboraldietan bigarren entrenatzaile eta delegatua izan dena, funtzio berriak izango ditu emakumezkoen futbolaren egituran.
Gorka Alvarez (Lasarte, 1984) CD Hernanitik, emakumezkoen euskal ligatik, iritsi da Realera. Lasartearrak CD Mariño zuzendu zuen, Bigarren Mailan, duela bi urte eta lan ezberdinak egin ditu Añorga KKE-ren emakumezkoen taldean.