BAZKIDEAK

Lagapenari buruzko galderak

Lerro hauen azpian, zure bazkide txartela klubari lagatzeari buruzko galderen eta erantzunen zerrenda uzten dizugu.

Nola lagako dut nire txartela?

Une hauetan, zure txartela laga ahal izango duzu esteka honen bidez, hemen adierazten dizkizugun jarraibideen arabera. Hurrengo partidetan, App Realzalean funtzionalitatea aktibatuko da, atal berean klubari edo senide edo lagun bati lagatzeko aukerak izan ditzazun.

Lagapen-plataformara sartzen naizenean, nire bazkide ID eta PINarekin identifikatzeko eskatzen dit. Zein da nire PIN zenbakia? 

Bazkidearen IDa zure txartelean adierazita dago. Pina zure NANaren azken lau digituak dira. 

Zein partidetarako dago gaituta lagapena?

Eserlekuen salmenta jada aktibatuta duen edozein partidarentzat. Normalean, sarreren online salmenta, gutxienez, hilabete baino gehiagoko aurrerapenarekin jartzen da martxan.

Zer onura lortzen ditut nire txartela lagatzen badut?

Batetik, klubari bere helburu nagusietako bat sustatzen lagunduko diozu: Reale Arenan eserlekurik libre ez geratzea. Bestalde, errentagarritasun ekonomikoa lortuko duzu zure txartela azkenean norbaitek partida baterako erosiz gero.

Zer onura ekonomiko izango dut nire txartela lagata saltzen bada?

Sarreraren zenbatekoaren %40 zuretzat izango da. Salmentaren beste %40 klubak bilduko du, eta gainerako %20a kudeaketa gastuetarako erabiliko da. Garrantzitsua da azpimarratzea bazkideak lagapen bakoitzeko jasotzen duen zenbatekoa partidaren kategoriaren eta eroslearen adinaren (heldua edo infantila) araberakoa izango dela.

Zer esan nahi du azken horrek?

Partida bakoitzak kategoria desberdina du ezarrita eta, beraz, eserlekuen prezioa aldatu egiten da arerioaren arabera. Sarreraren azken zenbatekoaren beste baldintzatzaileetako bat heldu batek edo 14 urtetik beherako batek erostea da, izan ere azken kasu horretan prezioa txikiagoa izango baita.

Non kontsulta dezaket nire lagapenen egoera?

Zure lagapena kudeatu duzun plataforma berean. Partiden blokean hiru kasuistika aurkituko dituzu: karneta lagatzea, lagatako txartela berreskuratzea edo saldutako txartelaren jakinarazpena. Hona hemen kasu horiek ikus ditzakezun tutorialaren esteka.

Gogorarazten dizugu sartzen dizugun kopuruak ez duela inoiz gaindituko zure kuota kostatu zaizunaren %100. Zure lagapenengatiko geldikina ez da metatuko datorren denboraldirako.

Nire txartela laga dut, baina azkenean partidara joango naiz. Berreskura dezaket?

Zure bazkide txartela norbaitek partidu baterako erosi badu, ezingo duzu berreskuratu eta, beraz, ezingo zara partidara joan. Hala ere, zure txartela oraindik erosi ez bada, beti berreskuratu ahal izango duzu, lagapena partida hasteko bi orduak baino lehen desaktibatzen baduzu. Lagapena plataforma berean desaktibatzen da.

Eta nire txartela erosten ez bada, noiz berreskuratu ahal izango dut?

Beti partida bakoitzeko bi orduak baino lehen. Gogorarazten dizugu, zure txartela erosten ez bada, ez duzula diru sarrerarik jasoko lagapen horregatik.

Nire txartela partida baterako saltzen bada, nire asistentzian zenbatuko da? 

Senideei edo lagunei lagatzean ez bezala (zure asistentzia bezala kontabilizatzen da), kasu honetan saltzen den karneta ez da kontuan izango zure asistentzian. 

Noiz jasoko dut lagapenen zenbatekoa?

Urtarrilaren erdialdean, Errealzale Programaren urtea ixtearekin batera, zure kuotatik kenduko da erosketetan amaitu duten lagapenengatik eta Realzale Programak sortutako puntuengatik sartutakoa.

Nire txartela klubari eta senide bati laga diezaieket?

Ez, aldi berean bi lagapenetako bat bakarrik egin ahal izango duzu. Hala ere, klubari egindako lagapena bertan behera utzi eta txartela senide edo lagun bati laga ahal izango diozu. Eta alderantziz ere bai, baldin eta bi gestioetako edozein partida hasi baino bi ordu lehenago egiten baduzu.

Palko bateko txartela utzi dezaket?

Ez. Palko oso bat bakarrik laga ahal izango da, hura osatzen duten eserleku (txartelak) guztiekin batera; hala ere, operatiboa Hospitality arloko arduradunekin harremanetan jarrita egin beharko da.

Erregistratutako erabiltzaileentzat bakarrik!

Eduki hau gure web orrialdean erregistratu diren erabiltzaileentzat da bakarrik.

Login aukeran klik eginez erregistratu zaitez eta eduki esklusiboaz disfrutatu ezazu!