Lau domina Txapelketa absolutuan

Realeko atletek 4 domina lortu zituzten Valentzian jokatutako Espainiako Short Track Txapelketa Absolutuan, horietako bi urrezkoak.

Urrezko biak Martin Segurola eta Eneko Carrascalen eskutik iritsi ziren, 3000 metrotan eta jauzi hirukoitzean nagusitu baitziren, hurrenez hurren. Eneko nagusi izan zen proban hasieratik bukaerara, eta Martinek, berriz, ezin hobeto kontrolatu zuen lasterka, Euskadiko Errekorra (7:49.56) hautsiz.

Igandean beste bi domina eskuratu genituen: zilarrezko bat Andoni Calbanorentzat 200 metroetan, eta brontzezkoa John Cabangentzat. Andonik bere sasoi bikaina erakutsi zuen erregulartasun handiarekin, eta Johnek, berriz, hasierako erronda gorabeheratsu bati aurre egin zion itzuleran dagoela baieztatzeko.

Azpimarratzekoa da Oihan Trecetek lortutako Euskadiko Errekor Absolutu bikoitza; 60 metroetako finalean lesio gogorra pairatu zuen.

Horrez gain, finalista postuak eskuratu zituzten ondorengo atletek: Ignacio Sáez (4.a 200 m), Asier Añorga (4.a Pertika jauzian), Ander Martinez de Rituerto (6.a Pertika jauzian), Fabrizio Scontrini (6.a Pisu jaurtiketan, lehiaketatik kanpo) eta Lucas Rodríguez (6.a Luzera jauzian).