Larunbat honetan, irailaren 24an (18:00), Real Sociedad taldeak Real Betisen aurka jokatuko du Liga F txapelketako hirugarren jardunaldian.
Reale Arenan jokatutako Txapeldunen Ligako estreinaldian txuri-urdinen maila erakutsi ondoren, Natalia Arroyorenak konfiantza osoz iritsi dira denboraldiko hirugarren jardunaldira. Hasiera onena izan zuten Vila-real CF garaituz eta asteburu honetako hiru puntuak lortu nahi dituzte.
Andaluziako taldeak ez du denboraldi hasierarik onena izan, FC Levante Las Planas talde igo berriaren aurrean galdu ondoren. Hori dela eta, denboraldiko lehen puntuak metatzeko irrikaz iritsiko dira Zubietara.