San Sebastian bezperak ezin protagonista hoberik eduki. Bihar, asteazkena, Donostiako Orfeoia Reale Arenan arituko da, eta are emozio gehiago oparituko digu Atletico Madrilen aurkako Kopako partidaren atarian.
Justu jasi baino minutu batzuk lehenago, abesbatza enblematikoak, zalantzarik gabe munduko ospetsuenetako bat denak, pare bat pieza interpretatuko ditu, eta ziur aski oilo ipurdia jarriko digu familia txuri urdineko guztioi.
Reala Zuzenean ekitaldi hau, gainera, Donostiako Orfeoia bere 125. urteurrena ospatzeko egiten ari den ekitaldietako bat da. Hitz batean, bihar ehun urtetik gorako bi erakundek ahots bakarrean egingo dute bat.