Sheraldo Beckerrek apirileko MVP BM saria jaso du. Becker urtarrilean iritsi zen Realera eta bere ekarpena berehalakoa eta oso nabarmena izan da. "Pozik nago Europarako sailkatu garelako. Taldekideek asko laguntzen didate, zelai barruan zein kanpoan", aitortu du erasoko jokalariak. Sheraldok apirileko MVP BMko irabazlearen garaikurra jaso du ekintzaren kolaboratzailea den BM Supermerkatuen eskutik, eta Koro Zamora irabazlea agurtzeko aukera izan du. Bazkideak, gainera, bere kamiseta eta 100 euroko erosketa-txartela jaso ditu, BM Supermerkatuetako edozein establezimendutan trukatzeko.