Bere jendearengandik hurbil egoteko ohiturari jarraiki, joan den astean Mikel Oyarzabalek zoriontsu egin zuen beste zale bat. Iraileko jokalari onenaren saria, BM Supermerkatuek babestutakoa, emateko aprobetxatuz, aurrelari txuri urdinak bere kamiseta eta 100 euroko txekea oparitu zizkion Gaizka Puenteri, MVPren zozketa irabazi zuen bazkide donostiarrari.
Opari eta oroitzapen argazki artean, Gaizkak eta bere familiak Mikelen apaltasunarekin eta gertutasunarekin gozatu ahal izan zuten. Nire jokalaririk gogokoena da nola ez diot diot nire botoa emango?, aitortzen zuen barre artean Gaizkak. Aldagela pozik dago normaltasuna berreskuratuko dugulako: guk jendea behar dugu, asko faltan bota ditugu, batez ere zelaian.