Petritegi Sagardotegia (DFG) familia txuri-urdinarekin bat egin du. Gipuzkoako enpresak eta Realak akordioa lortu dute Petritegi Sagardotegia Enpresak taldean sartzeko.
Petritegiren jarduera nagusia sagardoa eta fruta bidezko beste edari batzuk egitea eta merkaturatzea da. Astigarragan kokatua, Petritegi sagardotegia leku ezin hobea da sagardoa eta euskal gastronomia dastatzeko: naturan bertan, sagarrondoz inguratuta eta Donostiatik 5 kilometrora. Ezinbesteko topagunea gure gastronomia eta tradizioa maite dutenentzat.
Irudian, Ainara Otaño (Petritegi Sagardotegiko gerentea) eta Jokin Aperribay (Realeko presidentea).