Gure belar hockeyko taldeak porrota jasan du gaur goizean UD Taburienteren aurka azken txanpan jasotako gol baten ostean. Partida berdinduta egon da lehen zatian, aukera handirik gabe eta mugitu ez den emaitzarekin.
Txuri-urdinak gehiago izan dira bigarren zatian, baina hainbat penalti-korner izan arren, ez dute asmatu markagailuan aurrea hartzeko. Eta partida amaitzen ari zenean, amaierarako hiru minuturen faltan neurketako gol bakarra sartu dute kanariarrek, Paula Ortizek transformatutako penalti-korner batean.
Porrot gogorra eta amaiera sinestezina zelaian ikusitakoaren ostean. Baina hurrengo neurketan pentsatzea besterik ez dago, bi aste barru, non gipuzkoarrek Atletic Terrassa HC jasoko duten Bera Beran.