_338_.jpeg)
Sansek bat eta huts galdu du Ruta de la Plata zelaira eginiko bisitan. Txuri-urdinek aukerak izan dituzte gola sartzeko baina ez dituzte bihurtu. Bigarren zatian gola jaso dute eta ezin izan dute porrota ekidin, nahiz eta amaierara arte saiatu.
Talde donostiarrak oso ondo hasi du partida, intentsitate handiarekin aurkariaren atera hurbilduz. Neurketa hasi eta minutu gutxitara, Gotik lehenengo aukera izan du, baina bere jaurtiketa ondo gelditu du Fermínek. Dani Díazek ere gertu izan du txuri-urdinen lehenengo gola, kontraeraso azkar bat gidatu ondoren jaurtiketa gurutzatu bat egin duenean. Zoritxarrez, bere jaurtiketa atearen albotik alde egin du. Lehenengo zatiak aurrera egin ahala Zamora geroz eta erosoago sentitu da eta Fragaren atera hurbildu da markagailuan aurretik jartzeko helburuarekin. Mancebok jaurtiketa indartsu bat egin du, baina atezain txuri-urdinak ondo gelditu du bere saiakera.
Bigarren zatia lehiatua izan da. Sansek baloi jabetza izan du eta Zamorak kontraerasoak bilatu ditu baloia lapurtzeko gai izan denean. Txuri-urdinek gertu izan dute gola Ochieng eta Gotiren aukera bikoitz batean. Bien jaurtiketak Fermínek gelditu ditu. Etxeko taldea aurretik jarri da Carlos Ramosen jaurtiketa indartsu bati esker. Fragak ezin izan du ezer ez egin, baloia bi jokalarietan jo du eta. Sergio Franciscoren mutilek erantzuten saiatu dira, baina arriskua sortzeko arazoak izan dituzte eta ezin izan dute berdinketaren gola lortu.
Sanseren porrota etxetik kanpo, nahiz eta esfortzu handia egin. Hurrengo jardunaldian Real Unión hartuko du talde txuri-urdinak Zubietan.
Fitxa teknikoa:
Zamora CF: Fermín, Campabadal (Castañeda, min. 45+1), José Carlos, A. Bolo, Nieto, Clavería, Carlos Ramos (kap), Mancebo (Gorjón, min. 63), Rufino (C. Gutiérrez, min. 90), Roni (L. Rivas, min. 45) eta Macho.
Sanse: Fraga, Merino, Beitia, Astigarraga, Balda, Gibelalde (Carbonell, min. 76), Goti (kap) (Mariezkurrena, min. 66), M. Rodríguez (E. García, min. 66), Díaz (Marchal, min. 53), Orobengoa eta Ochieng (Ramírez, min. 76).
Gola: 1-0: Carlos Ramos, min. 74 .
Epailea: Morilla Turrión. Etxeko taldeko A. Bolo eta Claveríari eta kanpoko taldeko Baldari erakutsi die txartel horia.