Belar hockeyko gure taldeak hiru eta bat galdu du RC Poloren aurka, maila honetako talde onenetako bat. Lehen zatia oso parekatua izan da baina aukera argirik sortu gabe, eta horren ondorioz markagailua ez da mugitu.
Bigarren zatia, aldiz, oso desberdina izan da, eta hasi eta berehala heldu da Maria Goenaren gol txuri-urdina. Baina pozak gutxi iraun du, kataluniarrek partida berdindu baitute Gineren bitartez. Amaierarako zortzi minuturen faltan, Ginek berriro sartu du etxekoak markagailuan aurretik jartzeko, eta gipuzkoarrak berdinketaren bila ari zirela, Tevesek partida erabakita utzi du. Jorge Perezen neskek denboraldiko lehen garaipena bilatuko dute datorren asteburuan, UD Taburienteri bisita egingo diotenean.