Roberto Olabek bilera izan du gaur goizean komunikabideekin Reale Arenan. Futbol zuzendariak talde txuri-urdinaren gaurkotasuna errepasatu du, lehen taldea, Sanse, Real C eta emakumezkoen taldeak (oraindik amaitu gabe) osatu duten denboraldi bikainaren ostean. "Errendimenduari egonkortasuna eman diogulako pozik nago. Orain denboraldi polita eta exijentzia handikoa datorkigu, arrakasta naturalizatu egin dugulako, erraza delakoan baina ez da horrela".