Realak Premier League International Cup txapelketa jokatuko du denboraldi honetan ere. Premier Leagueak antolatutako lehiaketa ospetsu hau Ingalaterran garatzen da oso-osorik eta 21 urtez azpiko jokalariei zuzenduta dago. 32 taldek hartzen dute parte, 16 ingelesek eta Europako beste hainbeste gonbidatuk. Txapelketa ezin hobea da kontinenteko talde onenen harrobiek elkar ikus dezaten eta indarrak neur ditzaten.
Txapelketa zortzi taldeko lau multzotan banatzen da eta multzo bakoitzeko bi onenak final-laurdenetara sartzen dira. Talde txuri-urdinak Newcastle, Brighton, Nottingham Forest eta Chelsea izango ditu aurkari lehen fase horretan. Partiden egutegia laster zehaztuko da.