REAL UNION 0-2 SANSE

Sasoi onean jarraitzen dute

Vídeo

Sansek Real Unioni irabazi dio gaur arratsaldean Galen jokatutako lagunartekoan, azken txanpan sartutako bi golei esker. Txuri-urdinak nagusi izan dira partida osoan, gol aukera garbiak sortu dituzte eta aurkariaren areara gero eta arrisku handiagoarekin iritsi dira. Navarrok eta Djouahrak izan dituzte golik gabe bukatu diren lehen zatiko aukerarik onenak. Minutuek aurrera egin ahala, txuri-urdinek erritmoa handitu dute eta, azken minutuetan, hainbeste bilatu duten saria lortu dute. Martinek, Veigaren pase eder bat aprobetxatu eta atezainaren aurrean baloia barrura bidali eta gero, eta Alkainek, partidako azken jokaldian eta jokaldi on bati esker, partida alde jarri dute. Garaipen berri honen ondoren, gure filialak beste lagunarteko bat jokatuko du asteazkenean Zubietan, Haro Deportivoren aurka.

Fitxa teknikoa:

Real Union: Irazustabarrena, Iban Perez, Azkoiti, Borda, Lazkanoiturburu, Beobide, Elizondo, Donoso, Temenuzhkov, Jon Madrazo eta Jorge Galan.

Sanse: Ayesa, Petxarroman, Olasagasti, González de Zarate, Aranzabe, Ezkurdia, Aldasoro, Galarreta, Navarro, Djouahra eta Aguirre. Gabilondo, Veiga, Martín, Garrido, Zoilo, Turrientes, Recio, Lobete, Sukia eta Martinez Losak ere jokatu dute.    

Golak: 0-1: Martín, min. 88. 0-2: Alkain, min. 91.

Epailea: Diaz Mendez. Txartel horia erakutsi die etxeko Azkoiti eta Temenuzkhovi eta kanpoko Gonzalez de Zarate, Martin eta Alkaini.

Erregistratutako erabiltzaileentzat bakarrik!

Eduki hau gure web orrialdean erregistratu diren erabiltzaileentzat da bakarrik.

Login aukeran klik eginez erregistratu zaitez eta eduki esklusiboaz disfrutatu ezazu!