Realak igandean Sevilla FC taldearen aurka Reale Arenan (16:15ean) jokatuko duen partidarako sarreren zozketa egin du. 25.185 bazkidek eman dute izena baimendutako gehienezko %60ko edukierarentzat (24.000 ikusle). Zozketa irailaren 7an jakinarazi ziren irizpideei jarraituz egin da. Sakatu hemen informazio hori berrikusteko.
Bazkide saridunak beren bazkide txartelarekin sartu ahal izango dira eta beraien eserlekuan eseri beharko dute, betiere osasun-neurriak errespetatuz.
Bi hondoetako ehuneko txiki bat beste eserleku batzuetan birkokatuko da, harmaila banaketa homogeneoago bat bermatu eta osasun-neurriak betetzeko.
Behar besteko aurrerapenarekin etorri
Sarbidea arintzeko eta pilaketarik saihesteko, Reale Arenako ate guztiak indartuko dira langileekin. 24.000 bazkide saridunei zelaira behar besteko aurrerapenarekin joatea esaktzen diegu. Zozketan sarituak izan ez diren bazkideak ezingo dira sartu. Klikatu ESTEKA honetan partidari buruzko informazio erabilgarria eskuratzeko.
Elche CF talderako izen-ematea
Bestalde, igandean, hilak 26, 18:30etik aurrera Elche CF taldearen aurka jokatuko dugun partidarako izen-emateak zabalik jarraitzen du. Orain arte, 18.473 bazkide eman dute izena.
