Realak bat egiten du UEFAk, RFEFek eta LaLigak igorritako komunikatuarekin, eta Europako klub talde batzuek Superliga europarra sortzeko hartutako erabakiaren aurka dago.
Realak uste du hori ez dela bidea eta erabaki kaltegarria dela Europako futbolarentzat. Realak egungo ereduaren alde egiten du, edozein klubek, bere kirol lorpenak kontuan hartuta, bere merituengatik nazioarteko lehiaketa bat jokatzeko aukera izan dezan.
Alde guztien artean, UEFA, RFEF, LaLiga eta klubek egoera hau bideratzea espero dugu, futbolaren eta zale guztien onerako.