Theo Hernandez txuri-urdina da jada. Jokalaria bart gauean iritsi zen Donostiara eta gaur goizean Gipuzkoako Poliklinikan azterketa medikua pasa du. Gero, kontratua sinatu du Anoetan eta estadioaren obren berri izateko aukera izan du zuzenean. Jokalariak, Real Sociedad TV-ren kamaren aurrean, pozik dagoela esan du “Reala talde lehiakor bat delako”. Gainera, “urte bikain bat izatea” espero du, “bai berarentzat baita taldearentzat ere”. Ondoren, Zubietara joan da bere taldekide berriak ezagutzera. Orain Alemaniara bidean dago.