Tessy Ebosele atleta bikaina da. 19 urte ditu eta badaki zer den 20 urtez azpiko Europako txapeldunorde izatea. Luzera jauzian lortu zuen. Espezialitateko (6,63 metro) euskal errekor absolutua ere badu. Europako Txapelketan izan duen arrakastaren ostean, abuztuaren 16ko astean Kenyara joango da 20 urtez azpiko Munduko Txapelketan parte hartzera.
Dominak lortzeko lehian ere egon nahi du, jauzi hirukoitzean zein luzeran. Asier San Sebastian entrenatzailearen aginduetara Donostian entrenatzen ari den atletak Reale Arena bisitatu du eta Real Sociedad TVko kameren aurrean hitz egin du.