Realak 2010eko urtarrilean hartzekodunen konkurtsoan Ogasunarekin egin zuen zorra kitatu du. Atzoko egunean, erakunde txuri-urdinak geratzen zen azken ordainketa egin zuen, guztira 4.743038,93 €, eta, ondorioz, zorra zortzi urteko epe batean kitatu ahal izan du. 2010eko urtarrilean izenpetu zen hartzekodunen konkurtsoan, 21.893.803 €-ko zorra aurreikusi zen Ogasunarekin, 25 eta 30 urtera ordaintzeko, partaidetza kredituetan, eta ordainketa sarrera berezien mende geratu zen. Atzo egindako ordainketarekin, Realak hitzarmenean bere hartzekodun guztiekin hartu zuen zorra oso-osorik ordaindu du, eta, beraz, gaur-gaurkoz ez du ezer ordaintzeke hitzarmenari dagokionez.
Realak eskerrak eman nahi dizkie Gipuzkoako Foru Aldundiari, Kutxabanki eta gainerako hartzekodunei hartzekodunen hitzarmenean egindako ahaleginagatik, horri esker bermatu ahal izan baitzen Realaren bideragarritasuna, oso une zailetan. Halaber, poza adierazi nahi dugu zor osoa hitzarmenean aurreikusi baino askoz epe laburragoan kitatu ahal izan dugulako.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin