"Ikusi al duzu zer lortu dugun azken 25 urteotan?" Atzo milaka eta milaka realzalek gora begiratu zuten eta Aitor Zabaletari omenaldian entzun genuen galdera bera egin zioten, Izar peñako Maiderrek Aitorri zuzendutako gutun hunkigarri bat irakurri zuenean. Zein harro legokeen bere Realaz, bertako jendeaz, hango eta hemengo maitasun-olde guztiaz, Reale Arenako ekitaldiarekin borobilduta.
Realeko zaleek bere omenaldirik sentikorrena eman nahi izan zioten. Bultzada peñak bere monolitoaren aurrean antolatutako ekitaldi jendetsua emozioz beteriko arratsalde baten hasiera izan zen. Barruan, mosaikoa, tifoa, kantu etengabeak bere izenean... eta, amaiera gisa, "Txoria txori" ren bertsio zoragarri hori, Izaroren eskutik, estadioa argiztatuta eta familia txuri urdin osoak babestuta. Ezin ahaztu. Beti gurekin, Aitor.
