Emakumezkoen taldeak kayak eta paddle surf praktikak egin zituen atzo arratsaldean Hondarribiako portuan. Txapelketa noiz hasiko den zain, gipuzkoarrek Zubietatik atera nahi izan zuten indarrak hartzeko, denboraldi-aurreko egun askoren ondoren. Modu ezin hobean aprobetxatu zituzten udako azken egunak, ilusioz beteriko denboraldia hasi baino lehen. Erakutsi zuten, zelaian ez ezik, uretan ere ondo moldatzen direla. Murgildu zaitez haiekin eta emaiozu play-ari!