Iraitz Arrospide

"Oso sentzazio onak ditut"

Iraitz Arrospidek badu maratoiko gutxieneko olinpikoa. Abenduan lortu zuen Valentzian, 2h10:59 denborarekin. Hala ere, hiru plaza baino ez daude Joko Olinpikoetarako eta Espainian, gaur egun, hiru maratoilari baino gehiago daude gutxieneko denborarekin. Beraz, igandean Sevillan, Espainiako maratoiko txapelketan, Arrospide bere denbora hobetzen saiatuko da.

"Oso sentsazio onak ditut. Normalean baino prestakuntza laburragoa izan da”, dio Realeko atletak. “Jokoetarako hiru plaza daude: bat Dani Mateorentzat da Dohako Munduko Txapelketan lortutako emaitzarengatik, beste bat Espainiako txapeldunarentzat izango da eta hirugarrena irizpide teknikoei jarraituz erabakiko da. Sevillan, ahalik eta emaitza hoberena lortzea da nire helburua. Eta, noski, nire marka pertsonala hobetzen saiatuko naiz. Horrela, aukera gehiago izango ditut”.

Arrospidek badaki igandean aurkari “oso indartsuak” izango dituela. “Oso zaila izango da”. Bere ustez, Javi Guerra da faborito nagusia. Baina ez da aurkari bakarra izango. “Hamid Ben Daoud, ‘Chiqui’ Pérez, Iván Fernández eta goi-mailako beste atleta asko irteeran egongo dira”. Ez da erraza izango, baina maratoilari txuri-urdinak ez du ilusioa galtzen. Aupa Iraitz!

Erregistratutako erabiltzaileentzat bakarrik!

Eduki hau gure web orrialdean erregistratu diren erabiltzaileentzat da bakarrik.

Login aukeran klik eginez erregistratu zaitez eta eduki esklusiboaz disfrutatu ezazu!