Realeko Futbol Zuzendaritzak hurrengo denboraldirako Sanseren bajak jakinarazi ditu. Jeremy Blasco eta Xeber Alkain jokalariek, ekainaren 30ean kontratua amaitzen dutenak, behin betiko baja izango dira. Era berean, Cristo Romero, German Valera eta Enrique Clemente jatorrizko klubetara itzuliko dira beren zesioak amaitzean.
Talde txuri-urdinak eskerrak eman nahi dizkie futbolari hauei gure harrobiko kide izan diren denbora guztian erakutsi duten ahaleginagatik eta konpromisoagatik (Blasco, 12. urtea Klubean; Alkain, 7. urtea Klubean) eta azken denboraldi honetan Bigarren Mailako ikasturte historikorako egindako ekarpenagatik. Realak onena opa die etorkizun pertsonal eta profesionalerako.