Hona hemen bihar, Anoetan (21:00etan), Sanse eta SD Huesca taldeen arteko partidari buruzko informazio erabilgarria:
Sarbideak eta beheko tribunen erabilgarritasuna
Gure gazteek zaleak gertuago senti ditzaten, 1, 2, 9 eta 10 ateak soilik irekiko dira, Ekialdeko Tribunako, Tribuna Nagusiko eta Hego Tribunako (Aitor Zabaleta Harmaila) beheko eraztunerako sarbide mugatuarekin.
Sarbidea NFCko txartelarekin
Gogorarazi nahi dizugu partida honetatik aurrera zelaira sartzeko aukera egongo dela NFC formatuko zure karnet digital berriaren bidez.
Hemen duzu informazio guztia deskargatzeko
Ateen irekiera, ordubete lehenago
Estadioko 1, 2, 9 eta 10 ateak 20:00etan irekiko dira. Sartzeko, bazkide-txartel fisikoa, bazkide-txartel digitala (Realzale aplikazioan integratua), RS Fan txartela (aurretik leihatilan sarrera trukatuta) edo partidako sarrera erabili ahal izango dira.
Txarteldegia
Anoetako bazkideentzako arreta bulegoaren ondoan dauden txarteldegiak, Atano III pilotalekuaren parean, 19:00etatik aurrera egongo dira zabalik, bai sarrerak saltzeko, bai partidarekin lotutako edozein gorabehera konpontzeko.
RS Fanek, QR kodea duen karneta ez dutenez, tornuetara sartzeko, leihatilatik pasatu ahal izango dira, estadiora sartzeko dokumentu gisa sarrera jasotzera.
Denda eta tabernen zerbitzua
Estadioko denda 10etik 20etara egongo da irekita. Bestalde, estadioko tabernak 20:00etatik aurrera egongo dira zabalik.
Hospitality eta aparkalekua
Ez daude erabilgarri partida honetarako.
Keler Espazioa
Ez da irekiko asteburu honetan.
Bizikleta aparkalekua
Bizikleta eta patineteentzako aparkalekua itxita egongo da.