Elikadura funtsezko elementua da kirolari ororen errendimenduarentzat. Horregatik, eta Mugaritzekin eta AZTIrekin sinatutako kirol-nutrizioari buruzko berrikuntzarako akordioari esker, joan den ostegunean Ramon Perisé, Mugaritzeko I+Gko arduraduna, Zubietara joan zen, eta labea eta mikrouhin-labea bakarrik erabiliz plater osasungarri errazak prestatzeko klase bat eskaini zien Sanseko jokalariei. Futbolariek atsegin handiz hartu zituzten ideiak, eta, ziur aski, elikaduraren arloan duten ezagutza aberasteko eta, bide batez, errendimendua hobetzen laguntzeko balioko die.