Realak akordio bat lortu du Ekuadorreko Independiente del Valle taldearekin Moises Ramirez atezainak Sansen utzita joka dezan 2019ko ekainaren 30a arte.
Aurreko denboraldian debutatu zuen bere herriko Lehen Mailan, jokatu zuen zortzi partidatatik ez zuen golik jaso lautan, eta titularra da Txilen jokatzen ari den 20 urtez azpiko Sudamericanoan Ekuadorrekin. Zubietara iritsiko da txapelketa amaitu ondoren. Entitate txuri-urdinak jokalaria fitxatzeko aukera du utzita egongo den epean.