Sansek gehiago nahi du. Aurreko astean Sporting de Gijon B taldea gainditu ondoren harrobiko taldeak La Planilla bisitatuko du igandean 17:00etan. Helburua garbia da: garaipena lortu sailkapenean goruntz jarraitzeko. CD Calahorra hamaikagarren postuan kokatuta dago 30 punturekin eta azken jardunaldian berdinketa lortu zuen Logroñesen aurka etxetik kanpo. Bakarrik bi porrot jasan ditu bere etxean. Hala ere, Sansek azken boladari, hiru garaipen lau partidetan, jarraikortasuna eman nahi dio goruntz begiratzeko.
Real Sociedad C – Beasain (Larunbata, 12:00)
Real Sociedad C – Beasain (Larunbata, 12:00)
Harrobiko hirugarren taldeak Beasain jasoko du larunbatean Zubietan. Gipuzkoarrek garaipena berreskuratu nahi dute azken boladari amaiera emateko. Bestalde, Beasain hamargarren postuan iristen da 33 punturekin aurreko astean Balmaseda FC 3-0 gainditu ostean.