Realak eta Gipuzkoako Gurutze Gorriaren artean dagoen hurbileko laguntzaren esparruan, Gurutze Gorriko zenbait ordezkariek gaur arratsaldean Zubieta bisitatu dute. Gurutze Gorriaren aldetik, Juan Mari Urruzuno (Idazkaria), Juanra Barrena, Sorospen eta Larrialdi Zuzendaria, Ainhoa Martinez eta Idoia Garcia, Fondoen Bilketa Arduraduna, eta Itziar Estebanez, Komunikazio Arduraduna, instalazio txuri-urdinetara gerturatu dira. Bertan Urrezko Zozketa bultzatzeko argazki bat atera dute, Gurutze Gorriaren iniziatiba ezaguna, hain zuzen. Aipatutako iniziatiba Gurutze Gorriaren ekintza humanitarioari jarraipena emateko eta zabaltzeko aukera emango duen finantziazioaren beharraren ondorioz sortu zen, jendeari aukera berri bat eskainiz behartsuenei laguntzeko. Javier Barrera, lehen taldeko medikua eta Ruben Pardo eta Miguel Angel Moya jokalariak, Gipuzkoako Gurutze Gorriaren ordezkariekin batera, argazkian parte hartu dute. Aurten zure solidaritatea zure zenbaki gustukoenean amaitzen da eta erosten duzun txartel bakoitzarekin, Gurutze Gorriarekin lagunduko duzu, gosearekin, desberdintasunarekin, pobrezia edo bakardadearekin amaitzeko.