Emakumezkoen taldea lehiaketara itzultzen da larunbat honetan aurreko asteburuan partida internazionalen etenaldia izan ondoren. Txuri-urdinak Madrilen jokatuko dute Rayo Vallecanoren aurka hiru norgehiagoka izango dituzten asteari hasera emateko. Vallecas ez da zelai erraza, porrot bakarra jasan dute madrildarrek etxean, eta garaipena han lortzeak sekulako bultzada emango lioke FC Barcelona asteazkenean eta Erreginaren Kopan Valencia CFen aurka asteburuan neurtuko den taldeari.