Primera Iberdrolako lehiaketa amaitu ostean, emakumezkoen futbol sailak 20-21 denboraldirako bajen berri eman du. Marta Cardona, Carla Bautista eta Claudia Blanco baja izango dira uztailaren lehenetik aurrera. Realak eskerrak eman nahi dizkie hiru jokalariei euren ibilbidean zehar klubarekin izan duten konpromisoagatik, etorkizun profesional eta pertsonal berrian zorterik onena opa baitie.
Carla, Marta eta Claudia beti izango dira txuri-urdinen zati garrantzitsu bat azken bi urteetan lortutako lorpenengatik. Eskerrik asko!