Asteburu honetan ilusio gehien helarazten duen txapelketa jokatuko da. Vila-Realek LaLiga Proomisesen edizio berri bat jasoko du, Lehen Mailako hogei klubetako alebin taldeek parte hartuko duten lehiaketa, alegia.
Talde txuri-urdina gaur goizean abiatu da Zubietatik emozio, ilusio eta futbolez beteriko egunak igarotzeko. Gipuzkoarrak FC Barcelona Celta de Vigo, Deportivo de La Coruña eta Sevilla FC-rekin daude talde berean. Multzo bakoitzeko lau lehenak (bost taldeko lau multzo dira) sailkatu egingo dira final zortzirenetarako. Partidak Villarreal CF-ren kirol hirian jokatuko dira. Ostiralean taldeen faseko partida guztiak, larunbatean final zortzirenak eta final laurdenak, eta igandean finalerdiak eta finala.