Magiak aurrera darrai

Aztiak gozarazi egingo gaitu. Beste denboraldi bat. Gauzak horrela, David Silvak Realaren kamiseta janzten jarraituko du.
Kanariarra Kopako titulua lortzeko funtsezkoa izan da eta baita joan den ikasturtean Europako pasaportea lortzeko eta aurtengoa bideratuta edukitzeko, Klubarekiko bere konpromiso eta leialtasunarekin eta proiektu txuri-urdinarekiko identifikazio osoarekin batera.

David Silva, funtsezkoa zelaian zein aldagelan, eta futbolari gazteenentzat eredu, hain ondo geratzen zaizkien kolore txuri-urdinak janzten jarraituko du. Haren kontrolek, erregateek, joko-ikusmenak eta asistentziek miresten jarraituko dute Realeko familia. Bere futbolak eta magiak indarrean jarraituko dute, gutxienez, beste denboraldi batez.