Beste kide bat dugu gure familia handian! Beste fitxaketa bat egin dugu: jada gurekin da Realeko maskota ofiziala. Txurdin du izena eta RS Comic lineako gure ezkutuan dago inspiratuta, zeina gure marrazkilari Marrazketabarrek egindako karikaturekin osatzen den. Begirada bihurria du eta une dibertigarri ugariak espero ditugu.
Honako hau izan da Txurdin sortzeko helburua: txuri-urdin familia entretenitzea eta irribarrea eragitea, gure balioak eta izaera transmitituz. Ekitaldi sozialak, partidetako giro beroa, familientzako harmaila berria…, hainbat izan dira “fitxaketa” hau bultzatu duten arrazoiak. Ikusle gazteenekin, eta ziur aski ez hain gazteekin, bat egiteko elementu bat gehiago.
Partidetan eta ekitaldietan izango da
Txurdin hurrengo larunbateko urteurrenaren festan estreinatuko da eta pieza garrantzitsua izango da Realak etxeko partidetan. Eta ez bakarrik mutilen lehen taldearenetan. Nesken lehen taldeak Zubietan izango dituen partidetan ere izango da eta txikienei begira antolatutako ekitaldi sozialetan ere bai. Bat gehiago izango da, zentzu guztietan.
Izena RS Udalekuetan aukeratu zuten
Izena 156 neska-mutilek bozketan aukeratu zuten , Lekarozen (RS Udalekuak) izan ziren udalekuetako lehen hiru txandetako neska-mutilek, alegia. Txikiei bozketarako eskaini zitzaizkien aukera ireki eta itxien artean, Txurdin (Txuri eta Urdin hitzen batuketa) izan zen irabazlea, gol askoz gainera.
Lerro hauen bitartez, berriro ere eskerrak eman nahi dizkiegu bozketan parte hartu zuten neska-mutil guztiei.