Gaur goizean komunikabideekin izandako topaketan, Roberto Olabek aurreratu egin ditu bigarren heziketa-zikloko taldeak zuzenduko dituzten teknikariak.
Sergio Franciscok hartuko du Sanseren ardura 1. RFEF mailan. Entrenatzaile irundarra, azken bost denboraldietan Real C-ren buru izan dena, gure filialeko lehen entrenatzailea izango da.
Gure hirugarren taldeak, Real C-k, Mikel Llorente izango du hurrengo denboraldirako teknikari. Hondarribiko entrenatzaileak A Jubenila zuzendu du denboraldi honetan.
Azkenik, A Jubenila Lander Garciaren aginduetara egongo da, azken ikasturtean Euskal Kadetea zuzendu duen Errenteriako teknikaria.
