Gipuzkoan izateko eta jarduteko modu berezia dugu. Baita futbolaz ari garenean ere. Realean sinetsita egon gara beti ahaleginez, apaltasunez, konpromisoz eta begirunez arrakasta lor daitekeela. Horrela sortu zen gure eredua: berezi, paregabe eta jatorra. Betiere klub elkartuen eskutik. Jokalariak entrenatzen eta pertsonak prestatzen. Bai etxekoak, bai Donostia eta Gipuzkoa beren etxetzat dituztenak.
Errealitatea gara, konpromisoa eta benetako futbola. Egiazkoak gara eta gauzak geure erara egiten ditugu. Ahalegina, ardura eta familia gara. Betetako ametsak gara eta bete beharrekoak. Iragana, oraina eta geroa gara. Gazteengan sinesten duen kluba eta Europan jokatzen duen kluba. 38.000tik gora bazkide gara talde bat animatzen eta izateko eta jarduteko modu berezi bat ordezkatzen.
Reala gara. We are Real.