Adrian Rocandio Realeko korrikalaria hautatu du Espainiako Atletismo Federakuntzak Gävlen (Suedia) antolatuko den Europako 23 urte azpiko txapelketan parte hartzeko uztailaren 11tik 14ra.
Rocandio Espainiako txapeldun aldarrikatu zen aurreko asteburuan Tarragonan 400 metrotan eta orain lasterkari donostiarra 4x400 erreleboetan lehiatzeko hautatuetako bat izan da.
Ez da estatutik kanpoko lehen lehiaketa Rocandiorentzat, baina bai orain arteko garrantzitsuena.