Reala ilusioz gainezka dago. Familia txuri urdina oso inplikatua dago eta taldea airean darama. Zalantzarik gabe, Reale Arenako egitura faktore erabakigarria izan da, baina askoz ere gehiago izan da eserlekutik eserlekura zabaldu den arima.
Bazkide kopuruaren etengabeko hazkundea horren froga ona da. Gaur arratsaldean beste hesi handi bat gainditu da, gaur egun 35.000 bazkide baino gehiago garelako (35004). Gure etxe berriaren edukiera osoaren %92,25 betetzen dugu.
Batzuetan ametsak bete egiten dira. Atletismoko pistarik ez, 39000 eserleku berri, bost mila tona altzairu, 27 mila metro koadro efte … Hori guztia funtsezkoa izan da. Baina benetan funtsezkoena zu izan zara. Orain 35000 pertsona gara eta ahots bakarra. 35000 bufanda gara sentimendu bakar baterako. Zorionak eta eskerrik asko!