Agurra

Belar hockeyko gure taldeak amaiera emango dio igandean denboraldi polit bati. Ivan Lorentek zuzentzen duen taldeak Sanse Complutense hartuko du urtea garaipen batekin agur esateko eta sailkapeneko seigarren posturaino igotzeko asmoz.
Denboraldia ona izan da. Titulua lortzeko play-offetan sartzeko borrokatu dute dezente urruti arte, nahiz eta azken txanpa trabatu zaien. Erreginaren Kopako finalerdietara iritsi ziren, eta hori guztia talde gaztearekin eta hobetzeko tarte handiarekin.
Igandekoa Julene Sanchezen azken partida izango da. Taldeko kapitainak kluba utziko du klubean egindako ibilbide eder baten ondoren.