Gaur osteguna oso egun berezia da Gipuzkoan. Urtarrilaren 20a urteko egunik handiena da Donostia eta Azpeitia bezalako leku enblematikoetan. Bigarren urtez jarraian, osasun-egoerak eragotzi egin du beti bezala ospatzea. Baina gure emozioa eta gure sentimendua ez dira aldatzen. Gure bihotzetan berdin ospatzen da.
Bart Kopako partidak San Sebastian bezperarekin bat egin zuenez, donostiar eta azpeitiar guztientzako detaile txiki baina bihotzezkoa izan nahi genuen. Oraingoan, danbor hotsik gabe, ahotsarekin bakarrik. Eta munduko korurik onena bezalakorik ez opari hori emateko. Hemen duzu Donostiako Orfeoiaren emanaldia atzo Reale Arenan.
Eskerrak eman nahi dizkiogu Donostiako Orfeoiari bere aurretiko jarreragatik eta beste behin ere hunkitzeagatik. Gure desiorik onenak bere 125. urteurrenerako. Askoz gehiago bete dezala eta guztiok goza dezagun. Eskerrik asko! Gora San Sebastian Eguna!
