2022-23 denboraldiko bigarren ekipazioa, jada eskuragarri dago gure denda fisikoetan eta online dendan. Zaleak Reale Arenara eta Elkano kaleko gure saltokira hurbildu dira gaur goizean, kamiseta berritzaile hau lortu eta janzteko.
Kamiseta beltza da, eta marra horizontal grisak ditu, bai aurrealdean, bai mahuketan. Mao lepoa dauka eta ertz zuri eta urdina. Lepoaren behealdean ere ‘Realaren Bihotza’ irakur daiteke eta kanpotik ikurrina da protagonista.
‘Macron Hero’ bularraren eskuinaldean ageri da eta Realaren armarria ezkerrean. Biak dira silikonazkoak eta urdinak. Galtzak beltzak dira eta galtzerdiak ere bai. Bi zerrenda horizontal urdin eta zuri dituzte goialdean.